Bangaladumpa Vepudu Recipe: కరకరలాడే బంగాళాదుంప వేపుడు రెసిపీ.. ఇలా చేస్తే ఆహా ఏమి రుచి అనాల్సిందే!

Andhra Style Bangaladumpa Vepudu Recipe: బంగాళాదుంప వేపుడును అందరూ ఎంతో ఇష్టంగా తింటూ ఉంటారు. ఈ రెసిపీని తయారు చేసుకునే క్రమంలో చాలా మంది తప్పుడు పద్ధతులను అనుసరిస్తున్నారు. దీని కారణంగా రుచి అతంగా ఉండడం లేదు. అయితే ఈ పద్దతిలో తయారు చేసుకుంటే భలే ఉంటుంది.

Andhra Style Bangaladumpa Vepudu Recipe: బంగాళాదుంపలో పిండి పదార్థాలు, పోషకాలు, ఖనిజాలు అధిక పరిమాణంలో లభిస్తాయి. కాబట్టి దీనిని ప్రతి రోజు తీసుకుంటే శరీరానికి బోలెడు లాభాలు కలుగుతాయి. అంతేకాకుండా ఇందులో ఉండే పోషకాలు అనేక శరీరానికి బోలెడు లాభాలను అందిస్తాయి. దీనిని చాలా మంది సైడ్ డిష్‌గా కూడా వినియోగిస్తారు. రోటీలు లేదా పూరీల్లో కలిపి తీసుకోవడం వల్ల రుచితో పాటు ఆరోగ్యం మీ సొంతం. చిన్న పిల్లల నుంచి పెద్దవారి దాకా బంగాళాదుంప వేపుడు అంటే ఎంతో ఇష్టంగా తింటూ ఉంటారు. అయితే వీరు కూడా ఈ వేపుడును సులభంగా తయారు చేసుకోవాలనుకుంటున్నారా? ఈ సింపుల్‌ రెసిపీ మీ కోసమే, మీరు ట్రై చేయండి.

కావలసిన పదార్థాలు:
2 పెద్ద బంగాళాదుంపలు (తొక్క తీసి ముక్కలుగా కోసినవి)
1/2 టీస్పూన్ పసుపు
1 టీస్పూన్ కారం
1/2 టీస్పూన్ మిరియాల పొడి
1/2 టీస్పూన్ ఉప్పు
1/4 కప్పు నూనె
1/2 టీస్పూన్ ఆవాలు
1 టేబుల్ స్పూన్ కరివేపాకు
2 టేబుల్ స్పూన్లు ఉల్లిపాయ ముక్కలు
2 టేబుల్ స్పూన్లు టమాటా ముక్కలు
1/2 టీస్పూన్ అల్లం వెల్లుల్లి పేస్ట్

తయారీ విధానం:
ముందుగా ఒక పెద్ద గిన్నె తీసుకుని శుభ్రం చేసి పెట్టుకోవాల్సి ఉంటుంది. 
ఒక గిన్నెలో బంగాళాదుంప ముక్కలు, పసుపు, కారం, మిరియాల పొడి, ఉప్పు వేసి బాగా కలపాలి.
ఒక పాన్‌లో నూనె వేడి చేసి, ఆవాలు వేసి వేయించాలి.
ఆ తర్వాత కరివేపాకు, ఉల్లిపాయ ముక్కలు వేసి బంగారు గోధుమ రంగు వచ్చేవరకు వేయించాలి.
ఇందులో టమాటా ముక్కలు, అల్లం వెల్లుల్లి పేస్ట్ వేసి మెత్తబడే వరకు ఉడికించాలి.

Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
బంగాళాదుంప, ఇతర మిశ్రమాన్ని వేసి, మూత పెట్టి 10 నిమిషాలు ఉడికించాలి.
బంగాళాదుంప ముక్కలు మెత్తబడిన తర్వాత, మూత తీసి మరో 5 నిమిషాలు ఉడికించాలి.
కట్‌ చేసిన కొత్తిమీరతో  అలంకరించి, వేడిగా అన్నం, రోటీ లేదా పూరీతో కలిసి సర్వ్ చేయండి.

చిట్కాలు:
వేపుడు మరింత రుచిగా ఉండడానికి బంగాళాదుంప ముక్కలను వేయించే ముందు 30 నిమిషాలు నీటిలో నానబెట్టండి.
దీని రుచిని పెంచుకోవడానికి మసాలా దినుసుల పొడిని కూడా వినియోగించవచ్చు.
బంగాళాదుంప ముక్కలు మరింత కరకరలాడేలా ఉండడానికి కొద్దిగా కార్న్‌ఫ్లోర్‌ను కూడా వినియోగించుకోవచ్చు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.