Viral Video, Jodhpur Doctor tied the Dog and Dragged it on Road: ప్రస్తుత కాలంలో మనుషులు మానవత్వం మరిచిపోతున్నారు. మనుషులతోనే కాకుండా మూగ జీవాల పట్ల కూడా కర్కశంగా వ్యవహరిస్తున్నారు. ప్రాణాలు కాపాడి.. మానవత్వం చూపించాల్సిన స్థానంలో ఉన్న ఓ డాక్టర్.. వీధి కుక్కతో అమానుషంగా ప్రవర్తించాడు. తన ఇంటివద్ద ఉండే ఓ వీధి కుక్కను తన కారుకు కట్టేసి ఊరంతా తిప్పాడు. కారు వేగంతో పరిగెత్తలేకపోయిన ఆ కుక్క చిత్రహింస అనుభవించింది. ఈ అమానుష ఘటన రాజస్థాన్‌లోని జోధ్‌పూర్‌లో చోటుచేసుకుంది. వివరాల్లోకి వెళితే...
జోధ్‌పూర్‌కు చెందిన డాక్టర్ రజనీశ్‌ గల్వా స్థానికంగా ప్రభుత్వ ఆసుపత్రిలో ప్లాస్టిక్‌ సర్జన్‌. ఆ ప్రాంతంలో రజనీశ్‌ చాలా ఫేమస్ కూడా. రజనీశ్‌ గల్వా ఇంటి సమీపంలో ఓ వీధి కుక్క ఉంది. అది ఎప్పుడూ డాక్టర్ ఇంటి ముందు తిరుగుతుండేది. మానవత్వంతో ఆహారం అందించాల్సింది మరచి.. ఆ కుక్కను ఊరి బయట వదిలిపెట్టాలనుకున్నాడు. కుక్క మూతికి తాడు కట్టి దానిని తన కారుకు కట్టేసి ఊరంతా పరిగెత్తించాడు. తాడు పొడవు ఎక్కువగా ఉండటంతో శునకం అటూ ఇటూ ఊగుతూ రోడ్డుపై పేరుగెత్తింది. ఓ సమయంలో కారు వేగంతో సరిగా పరుగెత్తలేకపోయింది.
మరికొంత సమయం తర్వాత కుక్క అత్యంత ప్రమాదకరస్థితిలో కన్పించింది. రోడ్డుపై వెళ్తోన్న ఓ బైకర్.. కుక్క పరుగెత్తలేకపోతుంది అని రజనీశ్‌ గల్వాకు చెప్పినా అతడు ఆగలేదు. అనంతరం కొందరు స్థానికులు కారును అడ్డగించి కుక్కను విడిపించారు. ఆ తర్వాత ఎన్జీవో (డాగ్‌ హోమ్‌ ఫౌండేషన్‌)కు సమాచారమిచ్చారు. వెంటనే స్పందించిన ఎన్జీవో శునకాన్ని ఆసుపత్రికి తీసుకెళ్లి చికిత్స అందించారు. కుక్కకు కాలు విరగడంతో పాటు మెడ మీద తీవ్ర గాయమైనట్లు ఎన్జీవో తెలిపింది.
The person who did this he is a Dr. Rajneesh Gwala and dog legs have multiple fracture and this incident is of Shastri Nagar Jodhpur please spread this vidro so that @CP_Jodhpur should take action against him and cancel his licence @WHO @TheJohnAbraham @Manekagandhibjp pic.twitter.com/leNVxklx1N
— Dog Home Foundation (@DHFJodhpur) September 18, 2022
ఎన్జీవో సంస్థ సోషల్ మీడియాలో ఓ వీడియో పోస్ట్‌ చేసి పోలీసుల దృష్టికి తీసుకెళ్లింది. డాక్టర్ రజనీశ్‌ గల్వాపై వెంటనే చర్యలు తీసుకోవాలని కోరింది. అంతేకాదు అతడి లైసెన్సును రద్దు చేయాలని డిమాండ్‌ చేసింది. ఈ ఫిర్యాదు మేరకు పోలీసులు వైద్యుడిపై జంతుహింస చట్టం కింద కేసు నమోదు చేశారు. బైకర్ తీసిన ఈ అమానవీయ ఘటనకు సంబంధించిన వీడియో సోషల్ మీడియాలో వైరల్ అయింది. అందరూ రజనీశ్‌ గల్వాపై విరుచుకుపడుతున్నారు.
Also Read: యువరాజ్ సింగ్ పెను విధ్వంసం.. 6 బంతుల్లో 6 సిక్సులు! 12 బంతుల్లో హాఫ్ సెంచరీ
Also Read: Varun Tej 13: ఎయిర్ ఫోర్స్ ఆఫీసర్ గా వరుణ్ తేజ్.. రియల్ ఇన్సిడెంట్స్ ఆధారంగా మూవీ!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
