తెలంగాణ ముఖ్యమంత్రి కల్వకుంట్ల చంద్రశేఖర్‌ రావు నేడు సాయంత్రం ఢిల్లీకి వెళ్లనున్నారు. గత 2 రోజులుగా ఎర్రవల్లిలోని వ్యవసాయక్షేత్రంలో జరుగుతున్న యాగంతో బిజీగా వున్న ఆయన ఇవాళ హారతి పూర్తి చేసుకున్న అనంతరం మధ్యాహ్నం హైదరాబాద్‌కు తిరిగి వస్తారు.
జాతీయ రాజకీయాల్లో మరో కొత్త ప్రత్యామ్నాయం తీసుకొచ్చి, కేంద్రంలో బీజేపీయేతర, కాంగ్రెసేతర ప్రభుత్వాన్ని ఏర్పాటు చేసేందుకు తన వంతు కృషి చేస్తానని గతంలోనే ప్రకటించిన తెలంగాణ సీఎం కేసీఆర్ అందులో భాగంగానే ఇప్పటికే తమిళనాడు, కర్నాటక, పశ్చిమబెంగాల్‌లో పర్యటించి అక్కడి కీలక నేతలను కలిశారు. జాతీయ రాజకీయాల్లో అటు బీజేపీ, ఇటు కాంగ్రెస్‌పై అసంతృప్తితో వున్న పలువురు నేతలను కలిసి వారిని తమతో కలిసి రావాల్సిందిగా కోరిన కేసీఆర్ తాజాగా ఒడిశా వైపు దృష్టిసారించినట్టు తెలుస్తోంది. ఈ నెల 23న ఒడిషా వెళ్లనున్న కేసీఆర్.. అక్కడ ఒడిషా ముఖ్యమంత్రి నవీన్ పట్నాయక్తో భేటీ అవనున్నారని తెలుస్తోంది.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
