UAPA કાયદા અંતર્ગત મસુદ અઝહર, દાઉદ ઈબ્રાહિમ અને હાફિઝ સઈદ આતંકવાદી જાહેર

નવી દિલ્હીઃ કેન્દ્રની મોદી સરકારે ગેરકાયદેસર ગતિવિધિ પ્રતિબંધ કાયદા (UAPA) અંતરગ્ત મૌલાના મસુદ અઝહર, દાઉદ ઈબ્રાહિમ, ઝકી-ઉર-રહેમાન લખવી અને હાફીઝ સઈદને આતંકવાદી જાહેર કર્યા છે.આ 4 આતંકવાદીઓ વિરુદ્ધ રેડ કોર્નર નોટિસ પણ બહાર પાડવામાં આવી છે. 

જૈશ-એ-મોહમ્મદના વડા મસૂદ અઝહર પર ભારતમાં 5 આતંકવાદી હુમલાને અંજામ આપવાનો આરોપ છે. ચાલુ વર્ષે મે મહિનામાં મસુદ અઝહરને પણ આંતરરાષ્ટ્રીય આતંકવાદી જાહેર કરાયો હતો. ભારત સરકારે બુધવારે બહાર પાડેલા લિસ્ટમાં આતંકવાદી સંગઠન લશ્કર-એ-તૈયબાના વડી જકી-ઉર-રહેમાન લખવીનું પણ નામ છે, લખવી કાશ્મીરમાં એલઈટીનો સુપ્રીમ કમાન્ડર છે અને એનઆઈએની મોસ્ટ વોન્ટેડ યાદીમાં પણ તેનું નામ છે.  

કેન્દ્રની મોદી સરકારે 17મી લોકસભાના પ્રથમ સત્રમાં 8 જુલાઈના રોજ યુએપીએ બિલને લોકસભામાં પસાર કર્યું હતું. યુએપીએ બિલ બંને ગૃહમાં પસાર થયું હતું. આ બિલ અંતર્ગત કેન્દ્ર સરકાર પાસે કોઈ પણ વ્યક્તિને આતંકવાદી જાહેર કરવાનો અને તેની સંપત્તિ જપ્ત કરવાનો અધિકાર છે. 

ભારત સરકારના ગૃહ મંત્રાલય દ્વારા બુધવારે એક જાહેરનામું બહાર પાડવામાં આવ્યું છે. આ જાહેરનામામાં મસુદ અઝહર, દાઉદ ઈબ્રાહિમ, લખવી અને હાફીઝ સઈદને આતંકવાદી જાહેર કરવા પાછળના કારણો પણ જણાવાયા છે. તેમણે ભારતમાં કરેલા આતંકી કૃત્યોનો જાહેરનામામાં ઉલ્લેખ કરવામાં આવ્યો છે. 

જુઓ LIVE TV...