રેલવે કર્મચારીઓ માટે ખુશીના સમાચારઃ 78 દિવસનું બોનસ આપશે કેન્દ્ર સરકાર

નવી દિલ્હીઃ કેન્દ્રીય મંત્રીમંડળની મંગળવારે મળેલી બેઠકમાં રેલવે કર્મચારીઓને ચાલુ વર્ષે 78 દિવસનું બોનસ આપવાનો નિર્ણય લેવાયો છે. જેનો રેલવેના 11 લાખ કર્મચારીઓને ફાયદો થશે. કેન્દ્ર સરકારને તેના પાછળ રૂ.2024 કરોડનો ખર્ચ આવશે. આ સાથે જ કેન્દ્રીય મંત્રીમંડળે દેશભરમાં ઈ-સિગારેટના ઉત્પાદન, વેચાણ, આયાત-નિકાસ, ઉપયોગ તમામ પર પ્રતિબંધ લગાવ્યો છે.

કેન્દ્ર સરકારના આ નિર્ણયની માહિતી આપતા કેન્દ્રીય મંત્રી પ્રકાશ જાવડેકરે જણાવ્યું કે, "આ વખતે રેલવેના 11 લાખ 52 હજાર કર્મચારીઓને 78 દિવસનું બોનસ આપવામાં આવશે. જેના પાછળ કેન્દ્રને રૂ.2024 કરોડનો ખર્ચ આવશે."

Union Minister Prakash Javadekar: For 11 lakh railway employees, this govt has consistently for last 6 years, being giving record bonus, equivalent to the wage of 78 days. This year also, 11,52,000 employees will get 78 days wage as bonus. This is the reward for productivity. pic.twitter.com/XnDpz2uHfc

— ANI (@ANI) September 18, 2019

પ્રકાશ જાવડેકરે જણાવ્યું કે, સરકારનું માનવું છે કે બોનસ આપવાથી રેલવે કર્મચારીઓની કામકાજની ક્ષમતામાં વધારો થશે. આ સળંગ છઠ્ઠું વર્ષ છે જ્યારે સરકારે રેલવેના કર્મચારીઓને બોનસ આપવાનો નિર્ણય લીધો છે. 

જુઓ LIVE TV....