மாரடைப்பு அறிகுறிகள்: இன்றைய அவசர காலகட்டத்தில், சிறியவர்கள் முதல் பெரியவர்கள் வரை, அனைத்து வயதினருக்கும் மாரடைப்பு ஆபத்து அதிகமாக உள்ளது. ஆகையால் உங்களை கவனித்துக்கொள்ள நீங்கள் சில விஷயங்களில் கவனம் செலுத்த வேண்டியது அவசியம்.
மாரடைப்பின் சில அறிகுறிகள் குறித்து தெரிந்துகொள்வது மிக அவசியமாகும். மார்பு வலி, அமைதியின்மை மற்றும் வியர்வை போன்ற பிரச்சனைகள் இருந்தால், இவையும் மாரடைப்பின் அறிகுறிகளாக இருக்கலாம். தாடை வலியும் லேசான மாரடைப்பின் (மைல்ட் கார்ட் அட்டேக்) அறிகுறியாக இருக்கலாம் என்பது பலருக்குத் தெரியாது. எந்தெந்த அறிகுறிகளை நீங்கள் புறக்கணிக்கக்கூடாது என்பதை பற்றி இந்த பதிவில் காணலாம்.
மாரடைப்புக்கான இந்த அறிகுறிகளை புறக்கணிக்காதீர்கள்
1. தாடை வலி
தாடையின் பின்புறத்தில் வலி லேசான மாரடைப்புக்கான அறிகுறியாக இருக்கலாம். இதில் தாடையில் இருந்து வலி ஆரம்பித்து கழுத்து வரை பரவுகிறது. இந்த வலி திடீரென்று ஏற்படுகிறது. இந்த வலி இருந்தால் இதை கண்டிப்பாக அலட்சியப்படுத்தக்கூடாது.
மேலும் படிக்க | Processed Food: பதப்படுத்தப்பட்ட உணவுகளுக்கு குட்பை சொல்ல இதைவிட வேற காரணம் தேவையா
2. கையில் கூச்சம்
கையில் வலி அல்லது கூச்ச உணர்வு இருந்தால், அதுவும் லேசான மாரடைப்புக்கான அறிகுறியாக இருக்கலாம். இந்த வலி மார்பு மற்றும் கழுத்து வரை பரவும். இந்த அபாயத்தை இலகுவாக எடுத்துக்கொள்வது ஆபத்தானது என்பதை நினைவில் கொள்ளவும்.
3. திடீரென வியர்ப்பது
இரவில் திடீரென வியர்க்க ஆரம்பித்தால், அது மாரடைப்பின் அறிகுறியாக இருக்கலாம். இந்த அறிகுறியையும் புறக்கணிக்காதீர்கள். இதற்கு, உடனடியாக மருத்துவ நிபுணரைத் தொடர்பு கொண்டு உங்கள் பிரச்சனையைச் சொல்லி தீர்வு காணுங்கள்.
4. மூச்சுத் திணறல் மற்றும் மயக்கம்
படிக்கட்டுகளில் ஏறும்போது மூச்சுத் திணறல் ஏற்பட்டால், உங்கள் இதயம் சரியாக வேலை செய்யவில்லை என்று பொருள் கொள்ளலாம். இது தவிர, மூச்சு விடுவதில் சிரமம், தலைசுற்றல், நெஞ்சு வலி போன்றவை மாரடைப்பின் அறிகுறிகளாக இருக்கலாம்.
5. ஏப்பம் மற்றும் வயிற்று வலி
பல வயிற்றுப் பிரச்சனைகள் மாரடைப்பின் அறிகுறியாக இருக்கலாம். ஏப்பம், வயிற்று வலி அனைத்தும் லேசான மாரடைப்பின் அறிகுறிகள். பெரும்பாலும் மக்கள் இந்த அறிகுறிகளை வாயுத்தொல்லை என நினைத்து புறக்கணித்து விடுகிறார்கள். இப்படி செய்வது நல்லதல்ல.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக மருத்துவ ஆலோசனையைப் பெறுங்கள். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | Male Fertility: ஆண்களே! இரவில் பாலில் இதைக் கலந்து குடித்துப் பாருங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
