Shankar Daughter Wedding Reception: శంకర్ కూతురు వెడ్డింగ్ రిసెప్షన్‌లో రణ్‌వీర్ సింగ్ డాన్స్ ధమాకా.. వీడియో వైరల్..

Shankar Daughter Wedding Reception: దక్షిణాది సినీ రంగంలో సామాజిక అంశాలకు కమర్షియల్ హంగులతో తనదైన శైలిలో మెప్పించిన దర్శకుడు శంకర్. తాజాగా ఈయన పెద్ద కుమార్తె వివాహాం సోమవారం ఘనంగా జరిగింది. ఈ వేడుకలో రణబీర్ సింగ్ చేసిన డాన్స్ మూమెంట్స్ సోషల్ మీడియాలో వైరల్ అవుతోంది.

Shankar Daughter Wedding Reception: దక్షిణాది సినీ దిగ్గజ దర్శకుడు శంకర్ పెద్ద కూతురు ఐశ్వర్య మ్యారేజ్  ఈ సోమవారం అసిస్టెంట్ డైరెక్టర్ తరుణ్ కార్తీక్‌తో ఘనంగా జరిగింది. మంగళవారం సినీ ప్రముఖుల కోసం ప్రత్యేకంగా విందు ఏర్పాటు చేసారు. ఈ వేడుకకు దక్షిణాది, ఉత్తరాది అనే తేడా లేకుండా అన్ని ఇండస్ట్రీల నుంచి సినీ ప్రముఖుల హాజరై నూతన వధూవరులను ఆశ్వీర్వదించారు.  ఈ వేడుకలో సూపర్ స్టార్ రజినీకాంత్‌, మోహన్‌లాల్, మెగాస్టార్ చిరంజీవి, రామ్ చరణ్ దంపతులతో పాటు బాలీవుడ్ హీరో రణవీర్ సింగ్‌తో పాటు జాన్వీ కపూర్, బోనీ కపూర్, రకుల్ ప్రీత్ సింగ్ సహా పలువురు ప్రముఖులు హాజరయ్యారు.

ఈ వెడ్డింగ్ రిసెప్షన్ వేడుకలో రణ్‌వీర్ సింగ్.. శంకర్ రెండో కూతురు అదితితో కలిసి లుంగీ డాన్స్, 'వాతి కమింగ్' వంటి పాటలకు స్టెప్పులు వేసారు. దానికి సంబంధించిన వీడియో సోషల్ మీడియాలో వైరల్ అవుతోంది. శంకర్ పెద్ద కూతురు ఐశ్వర్య వివాహాం గతంలో 2021లో క్రికెటర్ రోహిత్ దామోదరన్‌తో జరిగింది. ఆ తర్వాత వాళ్లు విడాకులు తీసుకున్నారు. ఇక తరుణ్ కార్తీక్.. ప్రస్తుతం శంకర్ సినిమాలకు అసిస్టెంట్ డైరెక్టర్‌గా పనిచేస్తున్నారు.

#RanveerSingh #AditiShankar #Arjithsankar killing the dance floor with #ThalapathyVijay𓃵 ATBB #ApidiPodu song in @shankarshanmugh elder daughter wedding @actorvijay #GhilliReRelease pic.twitter.com/fpDxLzQfkK

— Suresh samy (@sureshsamy28) April 16, 2024

శంకర్ సినిమాల విషయానికొస్తే.. ఒకేసారి రెండు భారీ ప్రాజెక్ట్స్ చేస్తున్నారు. ఒకవైపు కమల్ హాసన్‌తో 'భారతీయుడు 2' సినిమా చేస్తున్నారు. ప్రస్తుతం షూటింగ్ కంప్లీట్ చేసుకున్న ఈ సినిమా జూన్‌లో మంచి డేట్‌లో విడుదల చేస్తున్నట్టు ప్రకటించారు. ఏ తేదిలో విడుదల చేస్తారనేది చూడాలి. మరవైపు రామ్ చరణ్‌తో చేస్తోన్న 'గేమ్ ఛేంజర్' మూవీ కూడా కంప్లీట్ కావొచ్చింది. శంకర్ తొలిసారి తెలుగులో డైరెక్ట్ చేస్తోన్న సినిమా. ఈ సినిమాను అక్టోబర్‌లో విడుదల చేయాలనే ప్లాన్‌లో ఉన్నారు. ఈ సినిమాల తర్వాత రణ్‌వీర్ సింగ్‌తో 'అపరిచితుడు' హిందీలో రీమేక్ చేస్తున్నట్టు అప్పట్లో ప్రకటించారు. ఎప్పుడో ఈ సినిమా స్టార్ట్ అయింది. 'గేమ్ ఛేంజర్' మూవీ తర్వాత ఈ ప్రాజెక్ట్ సెట్స్ పైకి వెళ్లనుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.