Thalla Pellama: తల్లా.. పెళ్లామా.. తేల్చుకోండి: అనసూయ

జబర్దస్త్ యాంకర్, నటి అనసూయ భరద్వాజ్ తల్లా.. పెళ్లామా .. ఎవరు కావాలో తేల్చుకోవాలని సవాల్ విసురుతున్నారు. మీ సంబంధాలు మెరుగు అవుతాయంటూ కామెంట్ చేశారు.

హైదరాబాద్: బుల్లితెర మీద టాలెంటెడ్ యాంకర్లలో అనసూయ భరద్వాజ్ (Anasuya Bharadwaj) ఒకరు. సోషల్ మీడియాలోనూ అంతే యాక్టీవ్‌గా ఉంటారు అనసూయ. బుల్లితెర మీద రాణిస్తూనే వెండితెర మీద తనదైన మార్కును సంపాదించుకున్నారు. క్షణం, రంగస్థలంలో రంగమ్మత్త పాత్ర ఇలా విభిన్నత్వాన్ని తన పాత్రలకు జోడిస్తూ తనదైన నటతోనే మెప్పిస్తున్నారు అనసూయ. అయితే అనసూయ త్వరలో మరో కొత్త ఈవెంట్‌తో బుల్లితెర ప్రేక్షకుల ముందుకు రాబోతున్నారు. తల్లా.. పెళ్లామా తేల్చుకోవాలంటూ భర్తలకు సవాల్ విసురుతున్నారు.

సాధారణంగా అన్ని కుటుంబాలలో ఈ మధ్య కాలంలో భార్యకు ప్రాధాన్యం ఇవ్వాలా, లేక తల్లికా అని తేల్చుకోలేక పోతున్నారు. భార్యకు ప్రాధాన్యమిస్తే తల్లి అల్లమైందారా అని అమ్మ అడుగుతుంది. పోనీలే అని అమ్మవైపు ఓటేస్తే.. నిన్ను నమ్ముకుని వచ్చినందుకు తగిన శాస్తి చేశావంటూ భార్యలు అడుగుతారని భర్తలు చెబుతుంటారు. ఈ నేపథ్యంలో సమాధానం దొరకని ఓ ప్రశ్న అంటూ అనసూయ ఓ వీడియో వదిలారు. వీడియోను బట్టి చూస్తే అనసూయ షో హోస్ట్‌గా వ్యవహరించేలా కనిపిస్తున్నారు. వివరాలు అనసూయ ట్వీట్ కూడా చేశారు.

View this post on Instagram

One more from me!! #ThallaPellama !! A question that has no answer but a show that strengthens relations in the most entertaining way!! #ComingSoon on @geminitv !!

A post shared by Anasuya Bharadwaj (@itsme_anasuya) on Feb 25, 2020 at 10:52pm PST

చెక్ అనగానే ‘నా తల్లి మేడం వద్దు అని ఓ వాయిస్ వస్తుంది. అనసూయ మళ్లీ చెక్ అనగానే ‘నా పెళ్లాం వద్ద మేడమ్ అని వాయిస్ వినిపిస్తుంది. దీంతో తల్లా? పెళ్లామా? నా ప్రశ్నకు సమాధానం చెప్పాంటూ అనసూయ ప్రశ్నిస్తారు. త్వరలో ‘తల్లా? పెళ్లామా??’ అనే షో జెమిని టీవీలో ప్రారంభం కానుంది. ఈ షో మీకు వినోదంతో పాటు మీ సంబంధాల్ని బలోపేతం చేస్తుందని అనసూయ పోస్ట్ చేశారు.  షోకు సంబంధించి ప్రమోషన్ వీడియోను అనసూయ తన ఇన్‌స్టాగ్రామ్‌లో పోస్ట్ చేశారు. జబర్దస్త్ కామెడీ షోలో యాంకర్‌గా గత కొన్నేళ్లుగా ఆమె ప్రయాణం కొనసాగుతోందని తెలిసిందే.

One more from me!! #ThallaPellama !! A question that has no answer but a show that strengthens relations in the most entertaining way!! #ComingSoon !! https://t.co/EWWr3jcMuQ

— Anasuya Bharadwaj (@anusuyakhasba) February 26, 2020