Viral Video: చిన్న పిల్లలు ఇంట్లో చేసే చిలిపి పనులను చూసి.. ఇంట్లో వాళ్లంతా తెగ ముగిసిపోతుంటారు. అయితే ఇప్పుడు టెక్నాలజీ పెరిగిపోవడంతో.. తమ పిల్లలు చేసే చిలిపి పనులను కొంత మంది వీడియోగా తీసి ఇంటర్నెట్లో పెడుతుంటారు. అలాంటి వీడియోలు చాలా వరకు వైరల్ అవుతుంటాయి కూడా.
అలాంటిదే తాజాగా ఓ వీడియో ఇప్పుడు ఇంటర్నెట్లో హల్చల్ చేస్తోంది. ఇంతకీ ఆ వీడియోలో ఏముందంటే..
ఇలా కూడా నిచ్చెన దిగొచ్చా?
సాధారణంగా ఊర్లల్లో చెక్కతో చేసిన నిచ్చెనలు కనిపిస్తుంటాయి. ఇళ్లు ఎక్కేందుకు దిగేందుకు వీటినే ఉపయోగిస్తుంటారు చాలా మంది. అయితే అలాంటిదే ఓ ఇంటికి ఉన్న చెక్కనిచ్చెనను ఎక్కిన ఓ బుడతడు.. దిగడంలో మాత్రం సరికొత్త విధానాన్ని అనుసరించాడు.
నిజానికి ఎవరైనా అలాంటి నిచ్చేన ద్వారా కిందకు దిగాలంటే.. ఒక్కో మెట్టుపై జాగ్రత్తగా కాలుపెట్టి దిగుతారు. ఎందుకంటే అంత ఎత్తులో కాలు జారితే అంతే సంగతులు అని.
కానీ ఇక్కడ ఆ బుడ్డోడు మాత్రం కాళ్లను మెట్లపై పెట్టకుండా.. కిందకు జారుకుంటూ వచ్చాడు. అయితే తన వేగాన్ని అదుపు చేసేందుకు చేతుల ద్వారా మెట్లను పట్టుకుంటూ.. కిందకు దిగాడు.
15కు పైగా మెట్లున్న ఆ చెక్కనిచ్చెనను ఆ బుడ్డోడు.. క్షణాల్లో దిగేశాడు. అయితే ఆ వీడియో చూస్తున్నంత సేపు ఆ చిన్నారి ఎక్కడ కింద పడతాడోనన్న భయం మాత్రం కలుగుతుంది. కానీ ఎలాంటి ప్రమాదం జరగలేదు. అ బుడ్డోడు కనీస భయం కూడా లేకుండా.. సురక్షితంగా కిందకు దిగి పక్కకు వెళ్లడం ఈ విశేషం.
ఆ బుడ్డొడి నిచ్చేన దిగే విధానాన్ని ఆ ఇంట్లో వాళ్లే వీడియో తీయడం గమనార్హం. అయితే అది ఎక్కడ జరిగింది అనేదానిపై మాత్రం ఆధారాలు లభించలేదు.
ఇంటర్నెట్లో చర్చ ఇలా..
ఈ వీడియోను ghantaa అనే ఇన్స్టా పేజీ చేసింది. ఈ పోస్ట్కు.. ఆ చిన్న పిల్లాడిని ఒలింపిక్సక్కు రెడీ చేయ్యండి అంటూ.. ఫన్నీ క్యాప్షన్ను జోడించారు.
ఈ వీడియో చూసిన నెటిజన్లు కూడా కుర్రాడి సాహసంపై తమదైన శైలిలో స్పందిస్తున్నారు. కొందరు ఆ చిన్నోడిని మెచ్చుకుంటూ.. గ్రెట్, చాలా బాగా చేశాడు అని కామెంట్ చేస్తున్నారు.
ఇండియాలో రోబోల అవసరం లేదు, ఫాస్ట్ ఫార్వర్డ్ (నిచ్చెన దిగే వేగాన్ని ఉద్దేశిస్తూ) అంటూ మరికొంత మంది స్పందిస్తున్నారు.
అయితే కొంత మంది మాత్రం ఆ చిన్న కుర్రాడు కిందకు దిగడం ప్రమాదకరమంటూ స్పందిస్తున్నారు. పిల్లల విషయంలో తల్లిడండ్రులు అత్యంత జాగ్రత్తగా ఉండాలి అంటూ సలహా ఇస్తున్నారు. మొత్తానికి ఈ వీడియోను మాత్రం చాలా మంది ఎంజాయ్ చేస్తున్నారు.
Also read: Viral News: బడిలో విద్యార్థినిని కౌగిలించుకున్న హెడ్‌మాస్టర్ వీడియో వైరల్, పోక్సో కేసు నమోదు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
