Corona Updates: સમગ્ર વિશ્વમાં કોરોનાનો ભયંકર પ્રકોપ, એક મહિનામાં એક કરોડ નવા દર્દીઓ

નવી દિલ્હી: કોરોના (Corona Virus) નો વ્યાપ દિન પ્રતિદિન વધી રહ્યો છે. એ હદે વધી રહ્યો છે સમગ્ર વિશ્વની જો વાત કરીએ તો અત્યાર સુધીમાં કોરોનાના કેસ 3 કરોડને પાર ગયા છે. જેમાંથી છેલ્લા એક કરોડ કેસ તો એક મહિનામાં જ વધ્યા છે. કેન્દ્રીય આરોગ્ય મંત્રાલયે બહાર પાડેલા આંકડા મુજબ છેલ્લા 24 કલાકમાં દેશમાં કોરોનાના કેસમાં 93,337નો વધારો થયો છે. આ સાથે દેશમાં કુલ કેસનો આંકડો 53,08,015 થયો છે. જેમાંથી 10,13,964 દર્દીઓ હાલ સારવાર હેઠળ છે. જ્યારે 42,08,432 લોકો કોરોનાને માત આપીને સાજા થયા છે. એક જ દિવસમાં કોરોનાથી 1,247 લોકોના મૃત્યુ થયા છે. દેશમાં અત્યાર સુધીમાં કોરોનાથી કુલ મૃત્યુનો આંકડો 85,619 પર પહોંચ્યો છે. 

India's #COVID19 case tally crosses 53-lakh mark with a spike of 93,337 new cases & 1,247 deaths in last 24 hours.

The total case tally stands at 53,08,015 including 10,13,964 active cases, 42,08,432 cured/discharged/migrated & 85,619 deaths: Ministry of Health & Family Welfare pic.twitter.com/wKo1vgDc1Y

— ANI (@ANI) September 19, 2020

વિશ્વમાં એક મહિનામાં એક કરોડ દર્દીઓ
વૈશ્વિક સ્તરે પણ કોરોના વાયરસના દર્દીઓની સંખ્યા સતત વધી રહી છે. સ્થિતિ એવી છે કે છેલ્લા એક મહિનામાં જ કોરોનાના એક  કરોડ જેટલા દર્દીઓ સામે આવ્યા છે. વિશ્વભરમાં કોરોના વાયરસના કેસ 3 કરોડને પાર ગયા છે. જ્હોન હોપકિન્સ યુનિવર્સિટી દ્વારા સંકલિત આંકડાઓથી આ જાણકારી સામે આવી છે. જ્હોન હોપકિન્સ યુનિવર્સિટીના જણાવ્યાં મુજબ વૈશ્વિક કોરોના વાયરસના કુલ કેસની સંખ્યા 30 મિલિયન એટલે કે 3 કરોડને પાર કરી ગઈ છે. આ ઉપરાંત શુક્રવાર સુધીમાં કોરોના વાયરસના કારણે 9 લાખ 44 હજાર જેટલા લોકોના મૃત્યુ થઈ ચૂક્યા છે. 

યુનિવર્સિટીના રિસર્ચર્સના આંકડા મુજબ દુનિયાભરમાં ગુરુવારે કોવિડ-19ના કેસની સંખ્યા 3 કરોડ પાર ગઈ. જેમાંથી અડધાથી વધુ કેસ તો માત્ર ત્રણ દેશો અમેરિકા, ભારત અને બ્રાઝિલમાં જ છે. માત્ર એક મહિનામાં સંક્રમિતોની સંખ્યામાં એક કરોડનો વધારો  થયો છે. દુનિયામાં 12 ઓગસ્ટના રોજ સંક્રમણનો આંકડો બે કરોડને પાર ગયો હતો. જ્યારે હવે 3 કરોડને પાર ગયો છે. 

અમેરિકામાં સૌથી વધુ દર્દીઓ 66,75,560 નોંધાયા છે અને ત્યારબાદ ભારતમાં 52 લાખથી વધુ દર્દીઓ નોંધાયા છે. ત્યારબાદ બ્રાઝિલમાં સૌથી વધુ કોરોના કેસ નોંધાયા છે.