AP Colleges: అక్టోబర్ 15 నుంచి కాలేజీలు షురూ

ఆంధ్రప్రదేశ్ ( Andhra Pradesh ) కళాశాల విద్యార్థలకు శుభవార్త తెలిపారు ఏపి ముఖ్యమంత్రి వైఎస్ జగన్ ( YS Jagan). ఉన్నత విద్యపై ఇవాళ రివ్యూ మీటింగ్ నిర్వహించిన సీఏం జగన్ కీలక నిర్ణయాలు తీసుకున్నారు. అక్టోబర్ 15 నుంచి కాలేజీలు తెరవాలని జగన్ నిర్ణయించారు. ఉమ్మడి ప్రవేశ పరీక్షలను ( Common Entrance Tests ) సెప్టెంబర్ లో నిర్వహించాలన్నారు. మరో వైపు కొత్త విశ్వవిద్యాలయాలపై కీలక నిర్ణయం తీసుకుంటుూ విజయనగరం, ప్రకాశంలో కొత్త యూనివర్సిటీలకు గ్రీన్ సిగ్నల్ ఇచ్చారు. 

అదే సమయంలో అక్రమాలు చేసే కాలేజీలపై కాఠిన్యం చూపాలని అధికారులకు ఆదేశాలు జారీ చేశారు. ఎన్‌రోల్‌మెంట్‌ మొత్తంగా 90 శాతం వరకు పూర్తి చేయాలని , విద్యలో భాగంగా మూడు, నాలుగేళ్ల కోర్సుల విద్యార్థలకు 10 నెలల అప్రెంటిస్ అవకాశం కల్పించేలా చర్యలు తీసుకోవాలన్నారు ముఖ్యమంత్రి జగన్.