લોહીના જ સંબંધને કલંકિત કર્યો: સગા ભાઇએ જ બે બહેનો પર ગુજાર્યો બળાત્કાર

જય પટેલ, વલસાડ: વલસાડના જિલ્લામાં ભાઇ બહેનના પવિત્ર સંબંધને કલંકિત કરતી ઘટના સામે આવી છે. જેમાં સગો ભાઈ પોતાની જ બે બહેન પર બળાત્કાર ગુજાર્યો હોવાની ઘટનાથી સમગ્ર વિસ્તારમાં ચકચાર મચી ગઇ હતી. આખરે બંને દીકરીઓએ આ કૃત્ય બદલ ભાઈ અને માતા સામે ફરિયાદ નોંધાવી છે. જેને લઇ ઉમરગામ પોલીસે કાર્યવાહી શરૂ કરી દીધી છે.

વધુમાં વાંચો: નારાયણ સાંઈ બળાત્કાર કેસમાં સુરત જિલ્લા કોર્ટ આજે સંભળાવી શકે છે ચુકાદો

પ્રાપ્ત માહિતી અનુસાર, વલસાડ જિલ્લાના ઉમરગામ પાલિકા વિસ્તારના ગાંધીવાડી પાસે એક પરિવાર છેલ્લા કેટલાય સમયથી વસવાટ કરે છે. આ પરિવારમાં રહેતા 17 વર્ષીય પુત્રએ તેની જ સગી 9 વર્ષની બહેન પર દુષ્કર્મ આચર્યું હતું. આ ઘટનાની મોટી બહેનને જાણ થતા નરાધમ ભાઇના આ ક્રુત્યની જાણ તેની માતાને કરી હતી.

પરંતુ આ સમગ્રે મામલે માતાને સંપૂર્ણ જાણ હોવાથી તે તેના દીકરાના આ ક્રુત્યને છુપાવી રહી હતી. ઉલ્લેખનીય છે કે, આ અગાઉ પણ તેની મોટી બહેન સાથે આ ક્રુત્ય આચર્યુ હતું. આખરે બંને દીકરીઓએ આ કૃત્ય બદલ ભાઈ અને માતા સામે ફરિયાદ નોંધાવી છે અને પોલીસે ફરિયાદના આધારે આરોપીને પકડવાની તજવીજ હાથધરી છે.