close

News Wrapએડિટરની પસંદગીના મુખ્ય સમાચાર મેળવો સીધા તમારા મેઇલબોક્સમાં

અનોખો કિસ્સોઃ 14 પાલતુ પ્રાણી સાથે અમદાવાદ ફરવા આવી USની મહિલા

અમેરિકન મહિલા પોતાની સાથે 6 બિલાડી, 7 કૂતરા અને 1 બકરો લઈને અમદાવાદમાં આવી છે અને હવે તે હોટલવાળા માટે માથાનો દુખાવો બની ગઈ છે 

Yunus Saiyed - | Updated: Apr 11, 2019, 06:20 PM IST
અનોખો કિસ્સોઃ 14 પાલતુ પ્રાણી સાથે અમદાવાદ ફરવા આવી USની મહિલા

અમિત રાજપુત/ અમદાવાદઃ અમદાવાદ શહેરમાં એક અનોખો કિસ્સો જોવા મળ્યો છે. અમેરિકાની એક મહિલા તેના 14 પાલતુ પ્રાણીઓ સાથે ગુજરાતમાં ફરવા આવી છે. તે અમદાવાદની એક હોટલમાં રોકાઈ છે. હવે આ મહિલા અને તેના પાલતુ પ્રાણીઓ હોટલ માલિક માટે એક નવી મુસિબત બની ગયા છે. 

અમેરિકાનની 58 વર્ષની નોરેન ફ્લાવર નામની મહિલા ગુજરાત ફરવા આવી છે. તે પોતાની સાથે 6 બિલાડી, 7 કૂતરા અને 1 બકરો લઈને આવી છે. બકરાને તેણે હોટલના પાર્કિંગમાં બાંધ્યો છે અને અહીં તેને ચારો-ખાવાનું આપે છે. કુતરા અને બિલાડીઓને પણ તે પોતાની સાથે રૂમમાં રાખે છે. 

આ મહિલા અમદાવાદના શાહઆલમમાં આવેલી હોટલ સિલ્વર સ્પ્રિંગમાં રોકાઈ છે. અમેરિકન મહિલાની સાથે રહેલા પ્રાણીઓને કારણે હોટલના માલિક માટે નવી મુસિબત પેદા થઈ ગઈ છે. આ મહિલાના પાલતુ પ્રાણીઓના કારણે હોટલમાં રહેતા અન્ય ગ્રાહકો તેનો વિરોધ કરી રહ્યા છે. હોટલ માલિકે જ્યારે મહિલાને આ બાબતે જણાવ્યું તો તેણે હોટલ છોડવાનો સ્પષ્ટ ઈનકાર કરી દીધો. મહિલાએ કહ્યું કે, આ પ્રાણીઓ મારો પરિવાર છે અને હું તેમને મારી સાથે જ રાખીશ. 

હોટલ માલિકે આ બાબતે સ્થાનિક પોલીસનો સંપર્ક કર્યો, પરંતુ પોલીસ પણ દ્વિધામાં મુકાઈ ગઈ છે. કારણ કે, પાલતુ પ્રાણીઓ સાથે રાખવાનો દરેકને અધિકાર હોય છે. જોકે, મહિલાના આ શોખને કારણે હોટલ માલિકને નુકસાન થઈ રહ્યું છે. હોટલમાં રોકાવા આવેલા ગ્રાહકો હવે મહિલાના પાલતુ પ્રાણીઓને કારણે હોટલમાંથી ચેકઆઉટ કરીને બીજી હોટલમાં રોકાવા જઈ રહ્યા છે. 

ગુજરાતના વધુ સમાચાર જાણવા અહીં કરો ક્લિક....