PM મોદી આજે 'ઈન્ડિયા આઈડિયાઝ સમિટ'ને સંબોધશે, દુનિયાભરના લોકોની નજર

નવી દિલ્હી: પ્રધાનમંત્રી નરેન્દ્ર મોદી (Narendra Modi) આજે એક આંતરરાષ્ટ્રીય મંચને સંબોધન કરવાના છે. ભારતીય સમય મુજબ આજે રાતે 8.30 વાગે પીએમ મોદી ઈન્ડિયા આઈડિયાઝ સમિટ (India Ideas Summit)ને સંબોધન કરશે. આ શિખર સંમેલન પર દુનિયાભરની નજર રહેશે. અમેરિકા-ભારત વેપાર પરિષદ (USIBC)એ આ સંમેલનનું આયોજન કર્યું છે. સંમેલનની થીમ સારા ભવિષ્યનું નિર્માણ છે. સંમેલનમાં બંને દેશો વચ્ચે વેપાર અને સહયોગ પર ચર્ચા થશે. 

પ્રધાનમંત્રી નરેન્દ્ર મોદી કોવિડ-19 (Covid-19) બાદની દુનિયામાં પ્રમુખ ભાગીદાર તરીકે અમેરિકા અને ભારતને લઈને દુનિયાભરના પ્રતિનિધિઓને સંબોધન કરશે. તેમનું સંબોધન આજે સ્થાનિક સમય મુજબ રાતે સાડા આઠ વાગે થશે. અત્રે જણાવવાનું કે અમેરિકા અને ભારતની મુખ્ય ભાગીદારીવાળું આ બે દિવસનું શિખર સંમેલન છે, જેને ડિજિટલ માધ્યમથી આયોજિત કરાયું છે. યુએસઆઈબીસીએ જણાવ્યું કે 'આ શિખર સંમેલનમાં ભારત સરકાર અને અમેરિકાની સરકારના ટોચના અધિકારીઓ એક સાથે આવશે જે મહામારી બાદ બહાર આવવાની રૂપરેખા પર કામ કરી રહ્યાં છે.' 

શિખર સંમેલનમાં ટોચના અમેરિકી અને ભારતીય કંપનીઓના વરિષ્ઠ અધિકારીઓ પણ સામેલ થશે. આ કાર્યકારીઓમાં યુએસઆઈબીસીના 2020 ગ્લોબલ લીડરશીપ એવોર્ડ પ્રાપ્તકર્તા લોકહીડ માર્ટિન કોર્પોરેશનના મુખ્ય કાર્યકારી અધિકારી (CEO) જીમ ટેસલેટ અને ટાટા સન્સ(Tata Sons)  ચેરમેન એન ચંદ્રશેખર સામેલ છે. 

આ વર્ષના શિખર સંમેલનને સંબોધન કરનારાઓમાં અમેરિકાના વિદેશ મંત્રી માઈક પોમ્પિઓ, ભારતના વિદેશમંત્રી એસ જયશંકર, નાણામંત્રી નિર્મલા સીતારમણ, વાણિજ્ય અને ઉદ્યોગમંત્રી પીયૂષ ગોયલ, અમેરિકાના સ્વાસ્થ્ય અને માનવ સેવા વિભાગના નાયબમંત્રી એરિક હેગન, વર્જિનિયાના સેનેટર માર્ક વોર્નર, કેલિફોર્નિયાના અમેરિકી પ્રતિનિધ એમી બોરા, રાજદૂત કેનેથ જસ્ટર, અને અન્ય અનેક હસ્તીઓ સામેલ છે. યુએસઆઈબીસીએ જણાવ્યું કે યુએસઆઈબીસી અમેરિકા-ભારત ભાગીદારી વધારવા માટે 45 વર્ષથી થતા આવતા કામનો જશ્ન મનાવી રહ્યું છે. 

યુએસઆઈબીસી ગ્લોબલ બોર્ડના અધ્યક્ષ તથા નુવીનના કાર્યકારી ચેરમેન વિજય અડવાણીએ કહ્યું કે અમે અમેરિકા-ભારત વેપાર પરિષદની 45મી વર્ષગાઠના અવસરે પીએમ મોદીના જોડાવવાથી સન્માનિત થયા છીએ. તેમણે કહ્યું કે આ વર્ષે એક સારા ભવિષ્યના નિર્માણ પર ધ્યાન કેન્દ્રિત રહેશે. 

જુઓ LIVE TV

જેમ કે પીએમ મોદી કોવિડ 19ના સ્વાસ્થ્ય પ્રભાવ અને સંબંધિત વૈશ્વિક આર્થિક મંદીના બેવડા પડકારનો સામનો કરી રહ્યાં છે, તેમણે આર્થિક નવીનીકરણ અને સમાવેશી અવસરના એક યુગની શરૂઆત કરવામાં ભારત અને અમેરિકાની ભાગીદારીના મહત્વને સ્પષ્ટ કર્યું છે. યુએસઆઈબીસીના અધ્યક્ષ નિશા બિસ્વાલે કહ્યું કે 'પ્રધાનમંત્રી નરેન્દ્ર મોદીs સતત અમેરિકી પ્રશાસન સાથે જોડાવના માધ્યમથી અમેરિકા અને ભારત સંબંધોને નવી ઊંચાઈ પર પહોંચાડ્યા છે.'