కర్ణాటకకు 24వ ముఖ్యమంత్రిగా ప్రమాణస్వీకారం చేసిన అనంతరం తొలిసారి మీడియాతో మాట్లాడిన కుమారస్వామి.. కర్ణాటక రైతులకు గుడ్ న్యూస్ వినిపించారు. ఎన్నికల ప్రచారంలో ప్రకటించినట్టుగానే రైతుల రుణాలను మాఫీ చేయనున్నట్లు కుమారస్వామి ప్రకటించారు. ఎన్నికల ఫలితాల వెల్లడి అనంతరం కర్ణాటకలో 104 స్థానాలు గెలుచుకుని అతిపెద్ద పార్టీ అవతరించిన బీజేపీ తరుపున ఆ రాష్ట్ర ముఖ్యమంత్రిగా ప్రమాణస్వీకారం చేసిన బీఎస్ యడ్యూరప్ప సైతం మొదటిగా ఇదే ప్రకటన చేసిన సంగతి తెలిసిందే.
డీఎంకే పార్టీ నేత ఎంకే స్టాలిన్ కర్ణాటకలో బీజేపీ తరుపున ముఖ్యమంత్రి అభ్యర్థిగా బరిలో నిలిచి గెలిచిన బీఎస్ యెడ్యూరప్పకు అభినందనలు తెలిపారు. కర్ణాటక ఎన్నికల ఫలితాల వెల్లడి అనంతరం బీఎస్ యెడ్యూరప్పను అభినందిస్తూ ఓ ట్వీట్ చేసిన స్టాలిన్.. ''ఇకపై కర్ణాటకలో కొత్తగా ఏర్పడబోయే ప్రభుత్వమైనా సుప్రీం కోర్టు తీర్పుతో విభేదించకుండా తమిళనాడుకు ఇవ్వాల్సి వున్న కావేరి జలాలను విడుదల చేస్తుందని ఆశిస్తున్నాను'' అని అందులో విజ్ఞప్తి చేశారు.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
