Rhea Chakraborty પર સુશાંતના પિતાનો મોટો આરોપ, બોલ્યા-'મારા પુત્રને ઝેર આપતી હતી'

મુંબઇ: સુશાંત સિંહ રાજપૂત (Sushant Singh Rajput) ના પિતા કે કે સિંહે હવે ચોંકાવનારું નિવેદન આપ્યું છે. તેમણે આ કેસમાં આરોપી રિયા ચક્રવર્તી (Reha Chakraborty)  પર એક ગંભીર આરોપ લગાવ્યો છે. સિંહે કહ્યું કે રિયા તેમના પુત્રને લાંબા સમયથી ઝેર આપી રહી હતી. રિયા તેમના પુત્રની હત્યારણ છે. આ નિવેદનની સાથે જ સુશાંતના પિતાએ રિયાની ધરપકડની માગણી કરી છે. 

જ્યાં અત્યાર સુધી સુશાંતના પરિવાર તરફથી ક્યારેય સુશાંતના મોતને હત્યાનો કેસ ગણાવવામાં આવ્યો નહતો. પરંતુ હવે સુશાંત સિંહના પિતા કે કે સિંહે કહ્યું છે કે રિયા મારા પુત્રને લાંબા સમયથી ઝેર આપી રહી હતી. તે મારા પુત્રની હત્યારણ છે. સુશાંતના પિતાના આ નિવેદન બાદ હવે આ આખો કેસ યુટર્ન લેતો જોવા મળી રહ્યો છે. 

#WATCH Rhea Chakraborty was giving poison to my son, Sushant from a long time, she is his murderer. The investigating agency must arrest her and her associates: KK Singh, #SushantSinghRajput's father pic.twitter.com/EsVpAUlZMt

— ANI (@ANI) August 27, 2020

આ રીતે થયો હતો ખુલાસો
અત્રે જણાવવાનું કે હાલમાં જ સામે આવેલા ઈડીના લેટર મુજબ રિયા ડ્રગ્સ લેતી હતી. ડ્રગ્સ ખરીદવાનું કામ પણ રિયા કરતી હતી. સુશાંતને ચા, કોફી અને પાણીમાં રિયા સીબીડી ઓઈલ નામનું ડ્રગ્સ આપતી હતી. આ જ કારણ છે કે હવે નાર્કોટિક્સ એજન્સીના કાન ઊંચા થઈ ગયા છે. NCB પોતાના ઈન્ટેલિજન્સ સર્વિલાન્સ દ્વારા રિયાની તમામ મૂવમેન્ટની તપાસ કરશે. રિયાની તમામ પાર્ટી, રેસ્ટોરન્ટ, હોટલ અને દેશ વિદેશમાં ટૂર જેવા તમામ પહેલુઓ પર ઝીણવટભરી તપાસ થશે.