રાજ્યમાં 3 ટાઉન પ્લાનિંગ સ્કીમને મળી મંજૂરી, રાજકોટની 1 અને અમદાવાદની 2

ઝી મીડિયા/બ્યૂરો :રાજ્યમાં સુઆયોજિત શહેરી વિકાસની પ્રતિબદ્ધતાને આગળ ધપાવતાં વધુ ત્રણ પ્રીલીમીનરી ટાઉન પ્લાનિંગ સ્કીમને મંજૂરી આપી છે. તેમણે રાજકોટની પ્રારંભિક ટી.પી. સ્કીમ નં. ર૬ (મવડી) તેમજ અમદાવાદ પૂર્વની ટી.પી ૧૦૬ (વસ્ત્રાલ રામોલ) અને અમદાવાદ પશ્ચિમ વિસ્તારની ટી.પી. ૬૪ (ત્રાગડ)ને મંજૂરી આપી છે. ત્રણ પ્રિલીમીનરી ટી.પી.ને મંજૂરી મળતા સામાજિક-આર્થિક રીતે નબળા વર્ગોના લોકો માટે આવાસ બાંધકામના હેતુથી કુલ ૧ લાખ ર૧ હજાર ૩ર૪ ચો.મીટર જમીનો જે-તે સત્તામંડળને સંપ્રાપ્ત થશે. 

રાજકોટની ટી.પી સ્કીમમાં પ૯,૦૬૦ ચો.મીટર, અમદાવાદની વસ્ત્રાલ-રામોલ ટી.પી સ્કીમમાં ૪૦,૦૧૯ ચો.મીટર અને ત્રાગડની ટી.પી સ્કીમમાં રર,ર૪પ ચો.મીટર જમીન આવા આવાસ બાંધકામ માટે મળશે. મુખ્યમંત્રીએ મંજૂર કરેલી રાજકોટની ટી.પી ર૬ (મવડી) અંદાજે ૧રપ હેકટર્સની છે અને તેના પરિણામે સત્તામંડળને કુલ  પ્લોટ જાહેર હેતુ અને વેચાણ માટે મળશે. આ પ્લોટસનું કુલ ક્ષેત્રફળ ર,ર૩,૯૪૭ ચો.મીટર છે. આ ટી.પી.માં વેચાણના હેતુ માટે ૯૧,૭૮૦ ચો.મીટર જમીન સત્તામંડળને સંપ્રાપ્ત થવાની છે. 

ર૦ર૦ના વર્ષમાં જ અત્યાર સુધીમાં 18 ડ્રાફટ ટી.પી સ્કીમ, 14 પ્રિલીમીનરી તથા 4 ફાઈનલ એમ કુલ 36 ટાઉન પ્લાનિંગ સ્કીમ મંજૂર કરેલી છે. આજે મંજૂર કરેલી ત્રણ ટી.પી સ્કીમ એટલે કે ટી.પી સ્કીમ ર૬ રાજકોટ(મવડી), અમદાવાદ પૂર્વની ટી.પી. ૧૦૬ (વસ્ત્રાલ-રામોલ) અને અમદાવાદ પશ્ચિમની ૬૪ ત્રાગડ એમ ત્રણેય ટી.પી.માં કુલ ૮૮,૭૬૧ ચો.મીટર જમીન જાહેર સુવિધાઓ માટે સત્તામંડળને મળશે. 

અમદાવાદ પૂર્વની ૧રપ હેકટર્સની ટી.પી-૧૦૬ (વસ્ત્રાલ-રામોલ)માં અન્વયે સત્તામંડળને ર લાખ ૪૮ હજાર ૪૦પ ચો.મીટરના કુલ પ૪ પ્લોટસ જાહેર હેતુ અને વેચાણ માટે મળશે. અમદાવાદ પશ્ચિમની ૭૦ હેકટર્સની ટી.પી.નં. ૬૪ ત્રાગડ અન્વયે ૧૯ જેટલા પ્લોટની કુલ ૧,૧ર,૭૪૩ ચો.મીટર જમીન સત્તામંડળને મળશે તેમાંથી જાહેર હેતુ અને વેચાણ માટે પ૩,૪૮૪ ચો.મીટર જમીન પ્રાપ્ત થવાની છે. આ ત્રણેય ટી.પી.માં જાહેર સુવિધાના હેતુથી જે ૮૮,૭૬૧ ચો.મીટર જમીન સંબંધિત સત્તામંડળોને સંપ્રાપ્ત થશે. તેમાં રાજકોટમાં ૩૮,૧પ૭ ચો.મીટર, વસ્ત્રાલ-રામોલમાં ૪૦,૭૮૦ ચો.મીટર અને ત્રાગડમાં ૯૮ર૪ ચો.મીટર જમીન મળશે. 

એટલું જ નહિ, આ ત્રણેય ટી.પી. સ્કીમમાં સમગ્રતયા કુલ મળીને ૧ લાખ, ૧પ હજાર ૩૯૯ ચો.મીટર જમીન બાગ-બગીચા અને ખૂલ્લી જમીનના હેતુથી સત્તામંડળોને ઉપલબ્ધ થવાની છે.     બાગ-બગીચા માટે અને ખુલ્લી જમીન તરીકે જે જમીનો આ ત્રણેય ટી.પી.માં ઉપલબ્ધ થવાની છે. તેમાં રાજકોટ (મવડી)માં ૩૪,૯પ૦ ચો.મીટર, વસ્ત્રાલ-રામોલમાં પ૩,રપ૯ ચો.મીટર અને ત્રાગડમાં ર૭,૧૯૦ ચો.મીટર જમીન સત્તામંડળને સંપ્રાપ્ત થશે. મંજૂર થયેલી પ્રિલીમીનરી ટી.પી.ના અમલીકરણમાં વેગ લાવવા સત્તામંડળોને તેમજ ટી.પી.ની કામગીરી ઝડપી બનાવવા ટાઉન પ્લાનીંગ અધિકારીઓને તાકીદ કરાયા છે.