ભચાઉમાં 11 મિનિટના ગાળામાં એક જ કેન્દ્રબિંદુમાં 2.8ની તીવ્રતાના ભૂકંપના બે આંચકા

બપોરના સમયે અચાનક ધરા ધ્રુજી જતાં લોકોમાં ફફડાટ ફેલાઈ ગયો હતો  

Updated By: Jun 27, 2019, 09:26 PM IST
ભચાઉમાં 11 મિનિટના ગાળામાં એક જ કેન્દ્રબિંદુમાં 2.8ની તીવ્રતાના ભૂકંપના બે આંચકા

ભુજઃ ધરતીકંપનું એપીસેન્ટર ગણાતા ભચાઉમાં ગુરૂવારે ફરી એક વખત ધરા ધ્રુજી હતી. બપોરના સમયે ભચાઉમાં 11 મિનિટના ગાળામાં એક જ કેન્દ્રબિંદુના સ્થળે 2.8ની તીવ્રતાના ભૂકંપના વારાફરતી બે આંચકા આવ્યા હતા. ગાંધીનગર સિસ્મોલોજી વિભાગમાં આ આંચકા નોંધાયા હતા. 

ગુરૂવારે બપોરે 1.23 કલાકે ભચાઉથી 11 કિલોમીટર દૂર ઉત્તર દિશામાં ખારોઈ રોડ તરફ 2.8ની તીવ્રતાનું કંપન આવ્યું હતું. પ્રથમ કંપનની 11મી મિનિટ પછી 1.34 કલાકે ફરી એ જ કેન્દ્રબિંદુ નજીક વધુ એકવાર 2.8ની તીવ્રતાનો બીજો આંચકો આવ્યો હતો. 

ભુજ શહેરમાં બાયો મેડિકલ વેસ્ટ ખાતી ગાયના વાયરલ વીડીયોએ મચાવી ચકચાર 

ઉપરા-છાપરી ટૂંકા ગાળામાં જ ભૂકંપના બે આંચકા અનુભવાતા લોકોમાં ફફડાટ ફેલાઈ ગયો હતો. જોકે, આ આંચકામાં જાન-માલને કોઈ પણ પ્રકારનું નુકસાન થયાના સમાચાર નથી. 

ગઈકાલે પણ આ જ કેન્દ્રબિંદુમાં 1.2ની તીવ્રતાના બે હળવા કંપન નોંધાયા હતા. ગાંધીનગર ખાતે આવેલા સિસ્મોલોજી સેન્ટર ખાતે ભૂકંપના આ આંચકા નોંધાયા હતા. 

જૂઓ LIVE TV....

ગુજરાતના વધુ સમાચાર માટે અહીં કરો ક્લિક....