દેશનાં ઇતિહાસમાં પ્રથમ વખત પ્રચંડ બહુમતી સાથે મળી રહી છે સરકાર

નવી દિલ્હી : લોકસભા ચૂંટણી 2019નાં પરિણામો આવવાનાં ચાલુ થઇ ગયા. વલણથી એક વાત સ્પષ્ટ થઇ ચુકી છે કે કેન્દ્રમાં ભાજપ એકવાર ફરીથી પોતાની સરકાર બનાવતી જોવા મળી રહી છે. કોંગ્રેસ તમામ પ્રયાસો છતા પણ સફળ થતી જોવા મળી રહી છે. અને મોટા ગઢમાં તે હારતી દેખાઇ રહી છે. ભાજપ હવે દેશનાં ઇતિહાસમાં પહેલી બિન કોંગ્રેસી પાર્ટી છે, જે સતત બીજી વખત પોતાનાં બહુમતનાં આધારે સરકાર બનાવવા જઇ રહી છે. 

આ અગાઉ દેશનાં 67 વર્ષનાં ચૂંટણી ઇતિહાસમાં આવું ક્યારે પણ નથી થયું. જ્યારે કોઇ બિન કોંગ્રેસી સરકારે પોતાનો કાર્યકાળ પુર્ણ કર્યા બાદ ફરી એકવાર સત્તામાં પુન:આગમન કર્યું હોય. દેશમાં 2019થી થઇને 17 ચૂંટણીઓ થઇ છે. ત્યારથી માંડીને અત્યાર સુધી એવું ક્યારે પણ નથી થયું જ્યારે કોઇ બિન કોંગ્રેસ સરકાર આવી હોય અને તેણે પાંચ વર્ષ પુરઅણ કર્યા બાદ સત્તામા પરત ફરી હોય. જો કે 2019માં આ ઇતિહાસ વડાપ્રધાન મોદીનાં નેતૃત્વમાં ભાજપ બદલવા જઇ રહ્યું છે. અત્યાર સુધી મળી રહેલા વલણના આધારે કહેવાઇ રહ્યું છે કે, ભાજપ ફરીથી પોતાના દમ પર સત્તા પર કબ્જો કરવા જઇ રહી છે. 

5મી વખત નવીન પટનાયક બનશે ઓડિશાના મુખ્યપ્રધાન, પરંતુ....
પહેલીવાર કેન્દ્રમાં 10 વર્ષ માટે સત્તાથી બહાર જશે કોંગ્રેસ
દેશના ચૂંટણી ઇતિહાસમાં પહેલીવાર થવા જઇ રહ્યું છે કે કોંગ્રેસ કેન્દ્રની સત્તાથી 10 વર્ષ માટે બહાર થશે. 1952માં દેશમાં પહેલીવાર ચૂંટણી થઇ. ત્યાર બાદ 1972 સુધી સતત કોંગ્રેસ જ સત્તામાં રહી હતી. ઇદિરા ગાંધીએ જ્યારે દેશમાં ઇમરજન્સી લગાવી અને ત્યાર બાદ 1977માં ચૂંટણી તઇ તો જનતા પાર્ટીએ સરકાર બનાવી હતી. 

જો કે જનતા પાર્ટીનું શાસન વધારે દિવસ નહોતું ચાલ્યું અને બે વર્ષમાં જ સરકાર પડી ભાંગી હતી. 1980માં ઇંદિરા ગાંધીના નેતૃત્વમાં ફરીથી કોંગ્રેસની સરકાર બની. 1984માં ઇંદિરા ગાંધીની હત્યા બાદ રાજીવ ગાંધી ઐતિહાસિક બહુમતી મળી હતી. 1989માં થયેલ ચૂંટણીમાં એકવાર ફરી સત્તા બદલતી અને જનતા દળનાં નેતૃત્વમાં સરકાર બની. જો કે બે વડાપ્રધાન (વીપી સિંહ અને ચંદ્રશેખર)ની અબલા બદલી છતા આ સરકાર બે વર્ષ જ ચાલી શકી હતી. 

1991માં એકવાર ફરીથી કોંગ્રેસે સરકાર બનાવી. 1996માં ભાજપ સૌથી મોટી પાર્ટી બની. 13 દિવસની સરકાર બનાવી, જો કે ત્યાર બાદ વામ મોર્ચાની સરકાર બની. આ સરકાર પણ પોતાનો કાર્યકાળ પુર્ણ કરી શકી નહોતી. 1998માં ફરીથી ચૂંટણી થઇ. વાજપેયીએ 13 મહિના માટે સરકાર બનાવી હતી. 1999માં ફરીથી ભાજપનાં નેતૃત્વમાં સરકાર બની. જેણે પાંચ વર્ષનો કાર્યકાળ પુર્ણ કર્યો. 2004માં જ્યારે ચૂંટણી થઇ તો કોંગ્રેસ સત્તામાં આવી ગઇ. ત્યાર બાદ 2003માં કોંગ્રેસે જીત પ્રાપ્ત કરી. હવે 2014 બાદ 2019માં પણ ભાજપ સરકાર બનાવવા જઇ રહી છે.

દેશમાં યોજાયેલી ચૂંટણીઓ
લોકસભા ચૂંટણી	વર્ષ	પાર્ટી
પહેલી	1951-52	કોંગ્રેસ
બીજી	1957	કોંગ્રેસ
ત્રીજી	1962	કોંગ્રેસ
ચોથી	1967	કોંગ્રેસ
પાંચમી	1971	કોંગ્રેસ
છઠ્ઠી	1977	જનતા પાર્ટી
સાતમી	1980	કોંગ્રેસ
આઠમી	1984	કોંગ્રેસ
નવમી	1989	જનતા દળ
દસમી	1991	કોંગ્રેસ
11મી	1996	ભાજપ/સંયુક્ત મોર્ચો
12મી	1998	ભાજપ એનડીએ
13મી	1999	ભાજપ એનડીએ
14મી	2004	કોંગ્રેસ - યુપીએ
15મી	2009	કોંગ્રેસ - યુપીએ
16મી	2014	ભાજપ+એનડીએ
17મી	2019	ભાજપ સંભવીત