ક્રિસ ગેલનો કોરોના ટેસ્ટ નેગેટિવ, ઉસેન બોલ્ટની બર્થ-ડે પાર્ટીમાં હતો સામેલ

નવી દિલ્હીઃ વર્લ્ડ રેકોર્ડ ધારક સ્પ્રિન્ટર અને 8 વખતના ઓલિમ્પિક ગોલ્ડ મેડલ વિજેતા ઉસેન બોલ્ટ કોરોના વાયરસથી સંક્રમિત થયો છે. તે જમૈકામાં પોતાના ઘરમાં સેલ્ફ આઇસોલેશનમાં છે. પાછલા સપ્તાહે તેનો જન્મ દિવસ હતો અને તેની પાર્ટીમાં કોવિડના સુરક્ષા નિયમોને નજરઅંદાજ કરવામાં આવ્યા હતા. 

બોલ્ટની આ પાર્ટીમાં ન તો લોકોએ માસ્ક પહેર્યું હતું અને ન તો સોશિયલ ડિસ્ટેન્સિંગના નિયમોનું પાલન કરવામાં આવ્યું હતું. સોમવારે મોડી રાત્રે જમૈકાના સ્વાસ્થ્ય મંત્રાલયે બોલ્ટના પોઝિટિવ હોવાની માહિતી આપી હતી. બોલ્ટની આ પાર્ટીમાં કિંગ્સ ઇલેવન પંજાબના સ્ટાર બેટ્સમેન ક્રિસ ગેલ પણ હાજર હતો.

જો ગેલ સંક્રમિત થઈ જાત તો તેની આઈપીએલ માટે યૂએઈ જવાની સંભાવનાઓને આઘાત લાગત. પરંતુ આ ડાબા હાથના બેટ્સમેનનો કોરોના વાયરસનો રિપોર્ટ નેગેટિવ આવ્યા છે. 

ગેલે પોતાની ઇન્સ્ટાગ્રામ સ્ટોરી પર લખ્યું, 'થોડા દિવસ પહેલા પ્રથમ કોવિડ-19 ટેસ્ટ... સફર પહેલા મને બીજો નેગેટિવ જોઈતો હતો.' ગેલે અન્ય એક પોસ્ટમાં લખ્યું, આગામી ટેસ્ટ પણ નેગેટિવ આવ્યો છે. તે માટે નાકમાંથી સેમ્પલ લેવામાં આવ્યા.

Usain Bolt's bday party. No social distance, NO masks! 😳😠 pic.twitter.com/ogqUvk1i9r

— Verna Reid (@verna_reid) August 23, 2020

જમૈકાના સ્વાસ્થ્ય મંત્રાલયે સોમવારે મોડી રાત્રે આ વાતની પુષ્ટિ કરી કે 100m અને 200m દોડમાં વર્લ્ડ રેકોર્ડ બનાવનાર આ દોડવીર કોરોના વાયરસની (Usain Bolt ill of Coronavirus) ઝપેટમાં આવી ગયો છે. 

આ પહેલા સોમવારે બપોરે આ  સ્પ્રિન્ટરે સોશિયલ મીડિયા પર એક વીડિયો પોસ્ટ કર્યો હતો, જેમાં તેણે કહ્યુ કે, તે પોતાના કોરોના ટેસ્ટના પરિણામની રાહ જોઈ રહ્યો છે. 

તેણે કહ્યું હતું કે, સુરક્ષાની દ્રષ્ટિએ મેં ખુદને ક્વોરેન્ટાઇન કરી લીધો છે અને આરામમાં છું. આ વીડિયો પોસ્ટ કરતા તેણે કેપ્શનમાં લખ્યું, 'સુરક્ષિત રહો મારા લોકો.'