IND vs SA 2nd T20: કેપ્ટન કોહલીની ધમાલ સાથે ભારતે મેળવ્યો વિજય

નવી દિલ્હીઃ યજમાન ભારતે(India) દક્ષિણ આફ્રિકાને(South Africa) બીજી ટી20 મેચમાં હરાવીને શ્રેણીમાં શાનદાર શરૂઆત કરી છે. ભારતીય ટીમ આ વિજય સાથે જ ટી20ની ત્રણ મેચની શ્રેણીમાં 1-0થી આગળ નિકળી ગયું છે. હવે, ભારત અને દક્ષિણ આફ્રિકા વચ્ચે ત્રીજી ટી20 મેચ 22 સપ્ટેમ્બર, રવિવારના રોજ બેંગલુરુમાં(Banglore) રમાશે. દક્ષિણ આફ્રિકા આ મેચ જીતશે તો પણ શ્રેણી 1-1થી બરાબર થશે. 

ભારત અને દક્ષિણ આફ્રિકા વચ્ચેની બીજી ટી20 મેચ બુધવારે મોહાલીના પીસીએ સ્ટેડિયમમાં રમાઈ હતી. ભારતીય ટીમે ટોસ જીતીને ફિલ્ડિંગ પસંદ કરી હતી. દક્ષિણ આફ્રિકાએ પ્રથમ બેટિંગ કરતા 5 વિકેટે 149 રન બનાવ્યા હતા. ભારતે તેના જવાબમાં 19 ઓવરમાં ત્રણ વિકેટ ગુમાવીની 151 રન બનાવ્યા હતા. આ રીતે ભારતે એક ઓવર બાકી હતી ત્યારે 7 વિકેટે મેચ જીતી લીધી હતી. 

ભારતીય વિજયનો હીરો કેપ્ટન કોહલી રહ્યો હતો. તેણે 52 બોલમાં શાનદાર 72 રન બનાવ્યા હતા. વિરાટ કોહલી નોટ આઉટ રહ્યો હતો અને ટીમને વિજય અપાવીને જ આગળ મેદાનમાંથી બહાર આવ્યો હતો. તેણે પોતાની ઈનિંગ્સમાં 4 ચોગ્ગા અને 3 છગ્ગા માર્યા હતા. 

જુઓ LIVE TV...