દેવેન્દ્ર ફડણવીસના નિવેદનથી શિવસેના થઈ નારાજઃ ભાજપ સાથેની મીટિંગ કરી રદ્દ

મહારાષ્ટ્રઃ મહારાષ્ટ્રમાં સરકારની રચના અંગે શવિસેના-ભાજપ વચ્ચેનું અંતર હવે વધતું જઈ રહ્યું છે. મુખ્યમંત્રી દેવેન્દ્ર ફડણવીસના નિવેદનથી નારાજ શિવસેનાએ આજે સાંજે ભાજપ સાથે મીટિંગમાંથી છેડો ફાડી નાખ્યો છે. 

સૂત્રોએ જણાવ્યું કે, આ મીટિંગમાં શિવસેના તરફથી સંજય રાઉત અને સુભાષ દેસાઈ ભાગ લેવાના હતા, પરંતુ હવે કોઈ નહીં જાય. ઉલ્લેખનીય છે કે, દેવેન્દ્ર ફડણવીસે સ્પષ્ટ કહ્યું હતું કે, શવિસેના સાથે 50-50 ફોર્મ્યુલા પર કોઈ ચર્ચા થઈ નથી. આગામી 5 વર્ષ સુધી હું પોતે જ મુખ્યમંત્રી રહેવાનો છું. 

આ બાજુ શવિસેનાના સંજય રાઉતે ફડણવીસના નિવેદન અંગે કહ્યું કે, અમને લાગે છે તે સત્યની વ્યાખ્યા હવે બદલવી પડશે. 50-50 ફોર્મ્યુલાની વાત અમિત શાહની સામે જ થઈ હતી. આ દરમિયાન દેવેન્દ્રજી પણ સાથે જ હતા. સંજય રાઉતે કહ્યું કે, અગાઉ આજે સાંજે 4 વાગે ચર્ચા શરૂ થવાની હતી. હવે જ્યારે મુખ્યમંત્રી જ એવું કહી રહ્યા છે કે 50-50 ફોર્મ્યુલા જેવી કોઈ વાત થઈ નથી તો પછી અમે કયા આધારે વાત કરીશું. આથી, ઉદ્ધવ ઠાકરેએ બંને પાર્ટીની નક્કી થયેલી મીટિંગ રદ્દ કરી નાખી છે. 

જુઓ LIVE TV...