લોકસભા ચૂંટણી 2019: જાણો....ગુજરાત રાજ્યમાં મતદાનની તવારીખ

હીતલ પારેખ/ ગાંધીનગરઃ ગુજરાતમાં છેલ્લી લોકસભા ચૂંટણીથી મતદારોમાં જાગૃતિ આવી છે અને રાજ્ય મતદાનના નવા-નવા રેકોર્ડ બનાવી રહ્યું છે. વર્ષ 2019ની લોકસભા ચૂંટણીમાં 23 એપ્રિલ, 2019ના મંગળવારે યોજાયેલા મતદાનમાં ચૂંટણી પંચે રાત્રે 9 કલાકે જાહેર કરેલા આંકડા મુજબ રાજ્યમાં કુલ 64.67 સરેરાશ મતદાન નોંધાયું છે. જેણે વર્ષ 2014નો મતદાનનો રેકોર્ડ તોડી નાખ્યો છે. 

રાજ્યમાં વર્ષ 2014ની લોકસભા ચૂંટણીમાં 63.66 ટકા મતદાન નોંધાયું હતું, જ્યારે આજે યોજાયેલા મતદાનમાં લોકોએ 63.67 ટકા મતદાન કર્યું છે. ચૂંટણી પંચે રાત્રે 9.00 કલાક સુધીના આ આંકડા આપ્યા છે. હજુ કેટલાક અંતરિયાળ વિસ્તારોમાંથી આંકડા આવવાના બાકી છે, આથી મતદાનની આ ટકાવારીમાં હજુ થોડો વધારો થાય તેવી સંભાવના છે. 

ગુજરાતમાં લોકસભા ચૂંટણીમાં મતદાનની તવારીખ.

વર્ષ	મતદાન(%)	ઉમેદવાર
1962	57.96	68
1967	63.77	80
1971	55.49	118
1977	59.21	112
1980	55.42	169
1984	57.93	229
1989	54.7	261
1991	44.01	420
1996	35.92	577
1998	59.3	139
1999	47.03	159
2004	45.16	162
2009	47.89	359
2014	63.66	334
2019	63.67	371

રાજ્યમાં સૌથી વધુ મતદાન 1967ની ચૂંટણીમાં 63.77 ટકા નોંધાયું હતું અને ત્યાર પછી બીજું સૌથી વધુ મતદાન 2014માં 63.66 ટકા મતદાન નોંધાયું હતું. હવે, 2019માં અંતિમ આંકડા મુજબ 63.67 ટકા મતદાન નોંધાયું છે અને જેણે 2014નો રેકોર્ડ તોડી નાખ્યો હતો.