લોકસભા ચૂંટણી 2014ના પરિણામનુ પુનરાવર્તન થશે કે, ઈતિહાસ બદલાશે? 24 કલાકમાં ફેંસલો

અમદાવાદ :ગત 2014ની લોકસભા ચૂંટણીમાં ગુજરાતની 26એ 26 બેઠક પર કમળી ખીલ્યું હતું. કોંગ્રેસ સાવ હાસિયામાં ધકેલાયુ હતું. પણ, 2019ના ઈલેક્શનમાં પિક્ચર બદલાયું છે. 2014ના પરિણામો બાદ ગુજરાતમાં સમીકરણો બદલાયા હતા. પાટીદાર આંદોલન, ઓબીસી આંદોલન દલિત આંદોલનને કારણે ભાજપના મૂળિયા ડગમગ્યા હતા, અને તેનો લાભ 2017ના વિધાનસભા ચૂંટણીમાં કોંગ્રેસને મળ્યો હતો. ત્યારે વિકાસની વાતો વચ્ચે 2019ની લોકસભાની ચૂંટણીમાં ભાજપની પ્રતિષ્ઠા દાવ પર લાગેલી છે. 2014માં ભલે ઝંઝાવાતી મોદીવેવ હતો, પણ આ મોદીવેવ હલે ઢીલો પડ્યો છે. હવે આ મોદીવેવ કામ કરશે કે પછી શું થશે તે તો આવતીકાલના પરિણામમાં જ માલૂમ પડશે. પણ તે પહેલા 2014ના ચૂંટણીના પરિણામ પર એક નજ કરીએ, જેમાં 26 બેઠકો પર ભાજપ ફુલ માર્જિન સાથે જીત્યું હતું. 
Avengers Endgame કરતાં અડધા બજેટમાં બન્યું ભારતનું ચંદ્રયાન-2 મિશન, ખાસિયતોમાં બેજોડ

બેઠક	જીત (તમામ ભાજપના)	હાર	લીડ
કચ્છ	વિનોદ ચાવડા	ડો.દિનેશ પરમાર	254,482
બનાસકાંઠા	હરીભાઈ ચૌદરી	જોઈતા પટેલ	202,334
પાટણ	લીલાધર વાઘેલા	ભાવસિંહ રાઠોડ	138,719
મહેસાણા	જયશ્રીબેન પટેલ	જીવા પટેલ	208,891
સાબરકાંઠા	દીપસિંહ રાઠોડ	શંકરસિંહ વાઘેલા	84,455
ગાંધીનગર	એલ.કે.અડવાણી	કીરિટ પટેલ	483,121
અમદાવાદ (પૂર્વ)	પરેશ રાવલ	હિંમતસિંહ પટેલ	326,633
અમદાવાદ (પશ્ચિમ)	ડો.કિરીટ સોલંકી	ઈશ્વર મકવાણા	320,311
સુરેન્દ્રનગર	દેવજી ફતેપરા	સોમાભાઈ ગાંડાલાલ	202, 907
રાજકોટ	મોહન કુંડારીયા	કુંવરજી બાવળીયા	246,428
પોરબંદર	વિઠ્ઠલ રાદડીયા	કાંધલ જાડેજા	267,971
જામનગર	પૂનમ માડમ	વિક્રમ માડમ	175,289
જૂનાગઢ	રાજેશ ચૂડાસમા	પૂંજાભાઈ વંશ	135,832
અમરેલી	નારણ કાછડીયા	વીરજી ઠુમર	156,232
ભાવનગર	ડો.ભારતીબેન શિયાળ	પ્રવીણ રાઠોડ	295,488
આણંદ	દિલીપ પટેલ	ભરત સોલંકી	63,426
ખેડા	દેવુસિંહ ચૌહાણ	દિનશા પટેલ	232,901
પંચમહાલ	પ્રભાતસિંહ ચૌહાણ	રામસિંહ પરમાર	170,596
દાહોદ	જસવંતસિંહ ભાભોર	ડો.પ્રભાબેન તાવીયાડ	230,354
વડોદરા	નરેન્દ્ર મોદી	મધુસૂદન મિસ્ત્રી	570,128
છોટાઉદેપુર	રામસિંહ રાઠવા	નારણ રાઠવા	179,729
ભરૂચ	મનસુખ વસાવા	જયેશ પટેલ	153,273
બારડોલી	પ્રભુસિંહ વસાવા	તુષાર ચૌધરી	123,884
સુરત	દર્શના જરદોશ	નિધેશ દેસાઈ	533,190
નવસારી	સી.આર.પાટીલ	મકસૂદ મિર્ઝા	558,116
વલસાડ	ડો.કે.સી.પટેલ	કિશન પટેલ	208,004

સૌથી વધુ લીડથી જીતનાર ઉમેદવાર

• નરેન્દ્ર મોદી (વડોદરા) - 570,128
• દર્શના જરદોશ (સુરત) - 533,190
• નવસારી (સી.આર.પાટીલ) - 558,116
• એલ.કે.અડવાણી (ગાંધીનગર) - 483,121

સૌથી ઓછી લીડથી જીતનાર ઉમેદવાર

• દિલીપ પટેલ (આણંદ) - 63,426
• દીપસિંહ રાઠોડ (સાબરકાંઠા) - 84,455

4 વિધાનસભા બેઠકનું પણ પરિણામ આવતીકાલે
રાજ્યની ચાર બેઠક પર વિધાનસભાની પેટા ચૂંટણીના પણ આવતીકાલે પરિણામ જાહેર થવાના છે. ઊંઝા, જામનગર ગ્રામ્ય, માણાવદર અને ધ્રાંગધ્રામાં વિધાનસભાની પેટાચૂંટણીનું પરિણામ આવતીકાલે જાહેર થશે. મતગણતરીને લઈ તંત્રની તમામ તૈયારી પૂર્ણ થઈ ચૂકી છે. ત્યારે મતગણતરીને ધ્યાનમાં રાખીને મતગણતરી કેન્દ્રો પર પોલીસનો ચુસ્ત બંદોબસ્ત પણ ગોઠવવામાં આવશે. વિધાનસભા પેટા ચૂંટણીની બેઠક અને ઉમેદવારની વાત કરીએ તો ઊંઝામાં ભાજપના આશાબહેન પટેલ અને કોંગ્રેસના કા.મુ.પટેલ વચ્ચે જંગ છે.જામનગર ગ્રામ્યમાં ભાજપના રાઘવજી પટેલ અને કોંગ્રેસના જયંતી સભાયા વચ્ચે ટક્કર છે. માણાવદરમાં ભાજપના જવાહર ચાવડા અને કોંગ્રેસના અરવિંદ લાડાણી વચ્ચે જંગ છે. ધ્રાંગધ્રામાં ભાજપના પરસોત્તમ સાબરિયા અને કોંગ્રેસના દિનેશ પટેલ વચ્ચે ખરાખરીનો જંગ છે.